Namangan viloyat Zahiriddin Muhammad Bobur nomli madaniyat va istiroxat bog’ida 1-iyun Xalqaro bolalarni himoya qilish kuni munosabati bilan “Yangi O’zbekistonning baxtiyor bolalari” shiori ostida kitobxonlar bayrami o’tkazildi.
Bayramda tuman (shahar) maktabgacha va maktab ta’lim bo’limiga qarashli umumta’lim maktab o’quvchilari hamda viloyatimizga tashrif buyurgan o’quvchi yoshlar o’zlarining yod olgan she’r, qo’shiqlari bilan faol ishtirok etdilar.
Shuningdek, bolalar kutubxonasi tomonidan tashkil etilgan qiziqarli viktorina savol-javob o’yinlarida ishtirok etib, g’olib bo’lgan bolajonlarga Namangan shahardagi DOCTOR FAMILY klinikasi bosh shifokori, vrach terapevtining hamda viloyat bolalar kutubxonasining esdalik sovg’alari topshirildi.
Ushbu tadbirni ko’tarinki ruhda o’tishida shahrimizdagi 11-sonli Musiqa va san’at bolalar maktabi “Hareografiya” guruhi a’zolari o’zlarining musiqiy chiqishlari bilan bayramga o’zgacha shukuh baxsh etdilar.
